Naqsh-E-Faryadi Hai Kis Ki Shokhi-E-Tahrir Ka

Naqsh-E-Faryadi Hai Kis Ki Shokhi-E-Tahrir Ka,

Kagzi Hai Pairahan Har Paikar-E-Taswir Ka.

Kaaw-Kawe Sakht-Jaani Haye Tanhai Na Pooch,

Subh Karna Sham Ka Lana Hai Joo-E-Shir Ka.

Jazba-E-Be-Ikhtiyar-E-Shauq Dekha Chahiye,

Seena-E-Shamshir Se Baahar Hai Dam Shamshir Ka.

Agahi Daam-E-Shunidan Jis Qadar Chahe Bichaye,

Mudd’aa Anqa Hai Apne Alam-E-Taqrir Ka.

Bas K Hun 'Ghalib' Asiri Mein Bhi Atish Zair-E-Pa,

Moo-E-Atish-Deeda Hai Halqa Meri Zanjir Ka.

~Mirza Ghalib