Kuch Tumhaari Anjuman Mein Aisay Deewaanay Bhi Thay

Kuch Tumhaari Anjuman Mein Aisay Deewaanay Bhi Thay,

Jo Ba-Kaar-E-Khaish Deewaanay Bhi Farzaanay Bhi Thay.

Yoon Tou Har Soorat Pe Tha Bay-Gaanagi Ka Shaa'iba,

Un Mein Kuch Aisay Bhi Thay Jo Jaanay Pehchaanay Bhi Thay.

Sab Ba-Tofeeq-E-Murawwat Dosti Kartay Rahay,

Log Kia Kartay Kay Khud Un Kay Sanam-Khaanay Bhi Thay.

Tu Nay Apni Aagahi Kay Zarf Say Jaancha Mujhay,

Aagahi Naa-Aagahi Kay Or Paimaanay Bhi Thay.

Dil Kay Jaanay Ka Bahar Soorat Bahut Sadma Huwa,

Is Say Waabasta Kayi Logon Kay Afsaanay Bhi Thay.

~Noon Meem Rashid