Niyaaz-E-Aashiqi Ko Naaz Kay Qaabil Samajhtay Hain

Niyaaz-E-Aashiqi Ko Naaz Kay Qaabil Samajhtay Hain,

Ham Apnay Dil Ko Bhi Ab Aap Hi Ka Dil Samajhtay Hain.

Adam Ki Raah Mein Rakhaa Hi Hai Pehlaa Qadam Mein Nay,

Magar Ahbaab Is Ko Aakhri Manzil Samajhtay Hain

Qareeb Aa Aa Kay Manzil Tak Palatt Jaatay Hain Manzil Say,

Na Jaanay Dil Mein Kia Aawaara-E-Manzil Samajhtay Hain.

Ilaahi Aik Dil Hai, Tu Hi Is Kaa Faisala Kar Day,

Wo Apna Dil Samajhtay Hain, Ham Apna Dil Samajhtay Hain.

~Hasrat Mohani