Aaina Kiun Na Doo'n Ke Tamasha Kahein Jisay

Aayina Kiun Na Doo'n Ke Tamasha Kahein Jisay,

Aisa Kahaa'n Se Laau'n Ke Tujhsaa Kahein Jisay. 

Hai Intezaar Say Sharar Aabad Rust Khaiz, 

Mizgaan-E-Kohkan Rag-E-Khaaraa Kahein Jisay. 

Hasrat Nay La Rakha Teri Bazm-E-Khayal Mein,

Guldasta-E-Nigaah Suweda Kahein Jisay. 

Kis Fursat-E-Wisaal Pe Hai Gull Ko Andleeb, 

Zakhm-E-Firaaq Khanda-E-Bay-Jaa Kahein Jisay. 

Yaa Rab Hamein Tou Khuaab Mein Bhi Mat Dikhaaiyo, 

Ye Mahshar-E-Khayaal Kay Dunya Kahein Jisay. 

Phoonka Hai Kisne Gosh-E-Mahabbat Mein Ay Khuda!

Afsoon-E-Intazar, Tamanna Kahein Jisay. 

Sar Par Hujoom-E-Dard-E-Garibi Se Daliye,

Wo Aik Musht-E-Khaak Ke Sehraa Kahein Jisay. 

Hai Chashm-E-Tar Me Hasrat-E-Diidar Se Nihaa'n,

Shauq-E-Inaa'n Gusekhta, Dariya Kahein Jisay. 

Darakar Hai Shaguftan-E-Gul'haaye Aish Ko,

Subh-E-Bahar Panba-E-Meena Kahein Jisay. 

GHALIB Bura Na Maan Jo Waa'iz Bura Kahay,

Aisa Bhi Koi Hai Kay Sab Ach'chha Kahein Jisay?

~Mirza Ghalib