Dard Se Mere Hai Tujhko Be-Qaraari Haaye Haaye

Dard Se Mere Hai Tujhko Be-Qaraari Haaye Haaye,

Kya Hui Zaalim Teri Ghaflat-Shi'aari Haaye Haaye.

Tere Dil Mein Gar Na Tha Aashob-E-Gham Ka Hausala,

Tu Ne Phir Kiun Ki Thi Meri Gham-Gusari Haaye Haaye.

Kiun Meri Gham-Khuaaragi Ka Thujhko Aaya Tha Khayaal,

Dushmani Apni Thi Meri Dostdaari Haaye Haaye.

Umr Bhar Ka Tu Ne Paiman-E-Wafa Bandha Tou Kia,

Umr Ko Bhi Tou Nahi Hai Paydaari Haaye Haaye.

Zahr Lagti Hai Mujhay Aab-O-Hawaa-E-Zindagi,

Yani Tujhsay Thi Isay Naa-Sazgari Haaye Haaye. 

Gul-Fishani Haaye Naaz-E-Jalwa Ko Kia Ho Gaya,

Khaak Par Hoti Hai Teri Lala-Kaari Haaye Haaye.

Sharm-E-Ruswai Se Ja Chupna Niqaab-E-Khaak Mein,

Khatm Hai Ulfat Ki Tujh Par Parda-Daari Haaye Haaye.

Khaak Mein Namoos-E-Paimaan-E-Mahabbat Mil Gayi,

Uth Gayi Dunya Say Raah-O-Rasm-E-Yaari Haaye Haaye.

Hath Hi Tegh-Aazama Ka Kاam Say Jaata Raha,

Dil Pe Ek Lagnay Na Paaya Zakhm-E-Kari Haaye Haaye.

Kis Tarah Kaatay Koi Shab Haaye Tar-E-Barshgaal,

Hai Nazar Khoo-Karda-E-Akhtar-Shumaari Haaye Haaye.

Gosh Mahjoor-E-Payam-O-Chashm Mahroom-E-Jamal,

Ek Dil, Tis Par Ye Na-Um’meedwaari Haaye Haaye.

Ishq Ne Pakra Na Tha "Ghalib" Abhi Wahshat Ka Rang,

Rah Gaya Tha Dil Mein Jo Kuch Zauq-E-Khuaari Haaye Haaye.

~Mirza Ghalib