Dil Par Jo Zakhm Hain Wo Dikhaaen Kisi Ko Kia

Dil Par Jo Zakhm Hain Wo Dikhaaen Kisi Ko Kia,

Apna Shareek-E-Dard Banaaye'n Kisi Ko Kia.

Har Shakhs Apnay Apnay Ghamon Mein Hai Mubtala,

Zindaa'n Mein Apnay Saath Rulaaye'n Kisi Ko Kia.

Bichray Huwe Wo Yaar Wo Chhoray Huwe Diyaar,

Reh Reh Kay Ham Ko Yaad Jo Aaye'n Kisi Ko Kia.

Ronay Ko Apnay Haal Pe Tanhaayi Hai Bahut,

Is Anjuman Mein Khud Pe Hansaaye'n Kisi Ko Kia.

Wo Baat Chair Jis Say Jhalakta Ho Sab Ka Gham,

Yaaden Kisi Ki Tujh Ko Sataaye'n Kisi Ko Kia.

Soye Huwe Hain Log Tou Hongay Sukoon Say,

Ham Jaagnay Ka Rog Lagaaye'n Kisi Ko Kia.

JAALIB Na Aaye Ga Koi Ahwaal Poochnay,

Dai'n Shehr-E-Bay-Hisaa'n Mein Sadaayen Kisi Ko Kia.

~Habib Jalib