Khayaal-E-Tark-E-Tamanna Na Kar Sakay Tu Bhi

Khayaal-E-Tark-E-Taman'na Na Kar Sakay Tu Bhi,

Udaasiyon Ka Mudaawa Na Kar Sakay Tu Bhi.

Kabhi Wo Waqt Bhi Aaye Kay Koi Lamha-E-Aish,

Meray Baghair Gawaara Na Karsakay Tu Bhi.

Khuda Wo Din Na Dikhaaye Tujhay Kay Meri Tarah,

Meri Wafa Pe Bharosa Na Karsakay Tu Bhi.

Mein Apna Uqda-E-Dil Tujh Ko Sonp Deta Hoon,

Bara Maza Ho Agar Waa Na Kar Sakay Tu Bhi.

Tujhay Ye Gham Kay Meri Zindagi Ka Kia Hoga,

Mujhay Ye Zid Kay Mudaawa Na Kar Sakay Tu Bhi.

Na Kar Khayaal-E-Talaafi Kay Mera Zakhm-E-Wafa,

Wo Zakhm Hai Jisay Achcha Na Karsakay Tu Bhi.

~Nasir Kazmi